على مسئوليتى الشخصية لواء سامي دنيا 🇪🇬

 

على مسئوليتى الشخصية لواء سامي دنيا 🇪🇬

■ غزة: رجعنا تانى نلاقى الكلام عن الحرب وفشل الهدنة وغيرها!!!

 ■ ينفع تطنشوا الكلام ده ؟

 ■ أول_متلاقى_حد مصدرلك الكلام عن الحرب سيبك منه، عشان صحتك وربنا يهديهم!!! 

■ الجيش_الإسرائيلى أساساً فى كارثة، إقالات بالآلاف، وإعتقالات، ومحاكمات، وهروب خارج إسرائيل، ورفض تنفيذ الأوامر، وغيرها كتير جداً، (ده غير إن المظاهرات) بدأت تتحول للعنف ومواجهات بين المتظاهرين والشرطة!!!

■ مازال الكلام عن الحرب هو العنوان إللى بيعمل قلق ومتابعات كتير (للأسف) بغض النظر عن إنه كذب ومالوش أساس من الصحة!!! 

■ أسلحة_جديدة_للجيش_المصرى: قلنا أى أخبار عن أسلحة جديدة يُعلن عنها الجهات الرسمية، والأساس المتحدث العسكرى للقوات المسلحة!!!

 ■ طالما المتحدث العسكرى لم يُعلن عن أى أسلحة جديدة، ليه أنت كوطنى (أو محسوب وطنى) بكل جهل تخرج تتكلم عن أسلحة جديدة وتستفيض بالبحث عن خصائصها ومواصفاتها، وتنقل الخبر عن صحف ومواقع إسرائيلية وأجنبية، أنت كده مش وطنى أبداً أنت كارثة على جيشك ووطنك!!! 

■ نكرر_تانى أى شئ خاص بجيشنا العظيم نشير الخبر زى ما هو من صفحة المتحدث العسكرى (وربنا يرحمنا جميعاً) ..

■ تخفيض_الفايدة: مفيدة للمستثمرين المصرين أو الأجانب، هتقلل الفوايد على القروض وبالتالى هتنشط المشاريع بشكل كويس والإقتصاد بشكل عام!!! 

■ كمواطنين لسه برضوا فوائد الشهادات عالية، وهتفضل نسبة كبيره محافظة على فلوسها فى البنوك، وإللى هيطلّع فلوسه، مفيش مجالات كتير للإستثمار، وطبعاً الذهب فى كل الأحوال (إستثمار طويل الأجل) يعنى مش حاجة تشتريها وتنتظر منها عائد أو مكسب نصف سنوى أو سنوى!!! 

■ ومع_فقاعة إرتفاع أسعاره عالمياً (كل التحليلات غير سليمة) لانه ممكن ينزل بشكل كبير جداً، والناس تخسر كتير، وممكن يفضل الإضطراب ومينزلش، إذن أى تحليلات حالياً غير سليمة، لكن إللى بيشترى ويركنه ٥ سنين وأكتر كده كده مش بيخسر!!! 

■هيفضل فى ركود فى الشراء، خاصة فى العقارات والمنقولات والسيارات وغيرها، لإن أسعار كتير مغالى فيها، والأسعار كلها بتنزل، وهتنزل بشكل متتالى، (وخفض أسعار الفايدة مش هتأثر)، برضوا الأسعار الغير منطقية هتنزل، يُفضل الإنتظار!!! 

■ أسعار_السلع_الغذائية مش هتزيد كالمعتاد زى كل مرة، إلا لَمَّا بتزيد المحروقات، وهتكون الزيادات طفيفة (مش عشان رقابة ولا غيرها) عشان ركود، وقلة إستهلاك، والمصانع إضطرت تخفض إنتاجها، وخايفين لو زودوا الأسعار كتير من الناس متشتريش منتجاتهم خالص!!! ■ بالتالى نتمنى أسعار الفايدة من المركزى تستمر فى النزول وأيضاً نتمنى عزوف الناس عن شراء أى شئ مغالى فيه من الأصول الثابتة!!! ■ غلق سلاسل وفروع كثيرة (الفترة الجاية): فى بعض الإجراءات كنا أشرنا إليها خاصة بالسلاسل إللى بتظهر فجأة، (وكلها طبعاً منتجات إستهلاكية)، والغالبية العظمى منها سلاسل وفروع مأكولات وحلويات!!! 

■وتفتح خلال سنة بالخمسين و ١٠٠ فرع، وكمان فى مصر وخارج مصر، ورأس مال (مخيف) ولا تضيف للدولة شئ أساسى بل تستهلك بشكل كبير!!!■ قلنا إتجاه الدولة إستثمار صناعى زراعى إنتاجى يقلل الإستيراد ويزود إجمالى الناتج المحلى مع التركيز على نقل التكنولوجيا ورفع نسبة الناتج المحلى!!!

■ ببساطة_لو_غسيل_أموال ، إخوان، أو على شاكلتهم،  مقيمين أجانب، شاورمجية أو على شاكلتهم!!! ■ قلنا وكنتوا مش مصدقين، آآآآه، بوضوح مش هنشجع إقتصاد موازى يدمر إقتصادنا!!! ■ مش هنشجع عمل غير المصريين!!! ■ مش هنشجع أى مشاريع تغطى على مشاريع مصرية (طالما المصرى محترم وعلى أعلى مستوى) ونفسك أوى تاكل أكل أى دولة، المصريين شاطرين، وبيعملوا كل حاجة زى بلدها بالظبط، (أنت إللى طفس) وبتجرى ورا أى إختراعات جديدة (خلطبيطة) زى الممسوس!!!  ■ وترجع_تصرخ وتقول مشوهم مش عارفين نعيش (طيب ما تروح تشترى من المصرى ومشيهم أنت)!

■ هتلاقوا حملة ضخمة لغلق عشرات الأفرع (مخالفات إداريه) والناس إللى مش فاهمة!!!

■ قلنا (قانون عمل المقيمين الأجانب) بدأ تطبيقه!!! 

■ يعنى لو عامل أجنبى واحد حضرتك بيشتغل فى فرع (بدون تصريح عمل وإقامة سارية) (ممكن يتجمد نشاطك كله ويتقفل كل الأفرع حتى لو ١٠٠ فرع) وبنخاطب الدول إللى فيها أفرع ليك، أن الشركة دى إتجمد نشاطها، (وهتتقفل فروعك فى كل حتة) .. 

■ خطوات_هامة نتمنى إستمرارها بقوة لإن إحنا بنتكلم فى تريليونات مش مليارات خارج إقتصاد الدولة ومش بتفيد الدولة أو المواطن (المصرى فى أى شئ) ..

■وهتلاقوا حملات هائلة (أدينا بِنْسَبَق)، وصعبانيات وكله هيتكلم إن دى مشاريع وبتشغل الآف المصريين (لكن بتدمر ملايين المصريين وبتدمر الدولة المصرية كلها)، وبرضوا إللى بيتاجروا فى المخدرات بيشغلوا الآف وبيدمروا ملايين!! 

■ تابعوا_الخطوات_الجاية فى هدوء وياريت الكل يساعد ويوجه أولاده وأسرته ونشجع المصريين، بجد لازم هتلاقى نفس الجودة وأجمل موجودة (لو عايزهم يمشوا أسرع) ..

■ أمريكا: تخبط القرارات رائع وممتاز والتصعيد الصينى ياخد إمتياز والداخل الأمريكى مرتبك بقسوة (يا مسهل)، والفيدرالى الأمريكى بيحارب ترامب وقال متوقع ميخفضش الفايدة عشان رسوم ترامب وإرتباك السوق والبورصة الأمريكية، مرتبكه ومش مستقرة والذهب بيزيد والدولار غير آمن والسندات الأمريكية فقدت سمعتها!!!

■ الصين بتركز كيف تدمر كل ما هو إسم شهير لبراندات أمريكية، وحبة بسيطة كمان، أى حد هيبعد عن أى منتج أمريكى حتى لو مصنوع بره أمريكا!!!

 ■ وتقريباً نجدة ترامب إنه يلحق يتفق مع مصر، وينقل مصانع أمريكا كلها هنا بس يارب يلحق مكان!!! 

■ ملايين المصريين فى الخارج: ممكن السنة دى نلاقى أعلى تحويل بالدولار وممكن يتعدى ٤٠ مليار دولار ودول لوحدهم هيغطوا العجز فى الدولار بين الواردات والمدفوعات، وواضح إن مصر هتبدأ سلسلة إغراءات بالدولار للمصريين العاملين فى الخارج بإذن الله تكون مجدية جداً!!!

■ البريكس: طبعاً فى نشاط هائل حصل أول ما الصين أعلنت وده لأول مرة (رغم إنها مش مضمونة وأسوأ كثيراً من أمريكا) بس مننساش العلاقات فقط مصالح!!! ■ بإنها هتتبادل المنتجات والبترول والغاز باليوان والروبل مع روسيا (وده حجم تجارة كبير مش صغير) ممكن يوصل إلى ١٠٠ مليار دولار!!! 

■ومتوقع مجموعة دول كتير من بريكس (عدا الخليج طبعاً) يتوسعوا فى التبادل بالعملات المحلية، وأى خطوة بعيد عن الدولار مفيدة جداً لمصر وتكسبها!!! 

■خطوة مهمة جداً منح العمالة الغير منتظمة: لأن العمالة الغير منتظمة أعداد كبيرة جداً ولا ترتبط بأى زيادة مرتبات أو معاشات!!! 

■إترفعت المنحة من ١٠٠٠ إلى ١٥٠٠ وتتاخد ممكن ل ٦ مرات فى السنة، وإجراءات التقديم نازلة وواضحة، ورغم فتح التأمين على الحياة وإصابات العمل للعمالة المؤقتة والغير منتظمة، برضوا مفيش ثقافة عندهم أو وعى كبير ومازالوا فى عشوائية مش مُقْبلين على الموضوع ولا حتى على دفع تأمينات عشان يكون ليهم معاش لما يكبر سنهم، كلهم ماشيين بنفس التفكير (خِلْفَة كتير) عشان يكبروا ويشتغلوا ويساعدونى سبب رئيسى لكارثة مصر وزيادة السكان والفقر وزيادة نسبته!!! 

■شركات تنقيب مشيت من البحر الأحمر: عادى جداً، حاربوا الحوثيين مش هنحارب، خدوا الغزاوية فى سيناء، مش هناخد، إدونا تيران وصنافير مش هنديكم!!! 

■طيب هنمشى من التنقيب، وهنقول مفيش بترول وغاز، هنّزل شركاتنا، مش جبنا سفن حديثة وهننقب إحنا ومعانا غاز بروم الروسية والصين والنرويج (وعارفين فين يطلع إيه) ..

■والبترول والغاز بيرخص ومش هنتزنق بإذن الله!!!

 ■ أخبار مصر بشكل عام مطمئنة وتدفق عودة السودانيين يسير بمعدلات أكبر من المخطط وبإذن الله ربنا يكمل على الف خير!!!

■حفظ الله مصر وشعبها بخير وتقدم وأمان .

■فى كل الأحوال …..نحمد ربنا

 وإذكروا الله كثيراً لعلكم تفلحون .